Kuskuren Farko da Tinubu Yayi Ya Jefa Mutanen Najeriya a Wahala.

Tsohon shugaban PACAC, Itse Sagay ya soki gaggawan janye tallafin man fetur da aka yi a bara Farfesan yana gani kyau sabon shugaban Najeriya ya jira sai matatun cikin gida sun fara aiki tukun Itse Sagay yana sa ran gwamnatin Bola Ahmed Tinubu za ta kawo sauyin al’amura a Najeriya

- Itse Sagay Farfesa ne kuma babban lauya a Najeriya, ya soki tsarin janye tallafin man fetur da aka tabbatar da shi a 2023. A wata zantawa da tashar Channels tayi da shi, Farfesa Itse Sagay ya yi tir da da Bola Tinubu a kan daina biyan tallafin man fetur.

Itse Sagay ya bada misali da matatar Aliko Dangote da ta gwamnati da ke Fatakwal, ya so ina ma sun fara aiki kafin fetur ya tashi. Itse Sagay bai ji dadin tashin fetur ba "Fetur yana da muhimmanci a rayuwarmu.

Tsadar rayuwa ta na ta karuwa kuma rayuwa tayi kunci. Ina tunani ya kamata a ce mun jira na watanni shida domin za a fara tace mai a gida, sai a cire tallafi. Gaggawa da yadda aka janye tallafin nan ta ke ya kirkiro wahalar da kusan da kyar ake rayuwa.

Daily Trust ta ce Sagay bai goyon bayan yadda ake tafiyar da abubuwa a yau, ya sha bam-bam da gwamnatin da aka rantsar a bara.

Dole Shugaba Tinubu ya ceci Naira

A hirar da aka yi da shi, lauyan ya ce dole sai an yi hobbasa domin a ceci Naira wanda kullum ta ke kara rasa daraja a kan Dala. Ko a mafarki, Farfesan bai taba tunanin za a zo lokacin da za a canji Dalar Amurka a kan N1, 000, sai dai yana sa ran za a kawo gyara.

Gwamnatin Tinubu ta jawo tsadar fetur

A dalilin janye tallafi da gwamnati tayi, ana da labarin farashin litar man fetur ya tashi daga N190 zuwa kusan N700 a fadin kasar. Kwanaki an yi ta rade-radin fetur zai kara kudi, zancen da gwamnati ta karyata, ta kuma nuna ba a dawo da biyan tallafin man ba.

AMH HAUSA

Wato tazarar da'awar Dr. DT ta matuqar shan banban da ta Sheikh Albani (Ra) musamman a wannan datsin, wayewar su da mu'amala ba daya bane.

Yanzu nake ganin wata sanarwa ta neman shi ido rufe daga ofishin shugaban yan sanda na Bauchi da Gomnatin ta. Naji ba dadi ganin hakan in gaskiya ne, kuma abin takaici ne, sai dai da yawa almajirai suke janyo irin matsalar nan da mashawarta. Sheikh Albani yayi rikici da Gomnati sosai a lokacin sa, kuma shine yake nasara, duba da yasan Shari'a, yasan doka dai dai gwargwado, ga wayewa ga bin abubuwa sannu a hankali wajen mu'amalantar wanda suka saba dashi bakin iyawan shi, musamman a karshe karshen da'awar shi a duniya. Abin burgewa daliban da Sheikh Albani ya gamsu dasu a matsayin dalibai da abokai, basa yin hargowa a komai domin wayewar su da kuma tarbiyyar da ya masu. Amma shi DT matsalar rikicinsa da kowa da rushe duk abinda gomnati ya yarda dasu a matsayin dai dai kun mutane da kuma Kungiyoyi da Jagorori, wanda Sheikh Albani har Jam'iyya yana da ita ba iya Kungiya ba, ko a iya baki ne duk wadanda ya jinginu dasu zasu ji dadi kuma in abu ya taso zasu tsayu...

Jihohin arewacin Najeriya bakwai da za su fuskanci yunwa

-Bankin Duniya A wani rahoto da bankin na duniya ya wallafa tun ranar 1 ga watan Fabrairu kuma ya samu watsuwa a ranar 8 ga watan na Fabrairu ya fitar da bayan na sassan duniya da matsalolin yunwa da za su fuskanta. A sashen Afirka ta yamma da ta tsakiya, rahoton mai taken 'Food Security Update 2024', ya bayyana cewa wasu jihohi guda bakwai na arewa maso yammaci da gabashi da wadanda za su fuskanci matsalar yunwa tun daga farkon shekarar nan har zuwa watan Mayu. Jihohin dai su ne: Adamawa Borno Kaduna Katsina Sokoto Yobe Zamfara. Rahoton dai ya bayyana dalilan rashin tsaro na 'yan bindiga da ke satar jama'a a jihohi kamar Kaduna da Katsina da Sokoto da Zamfara, inda su kuma Borno da Yobe da Adamawa ke fuskantar matsalar Boko Haram. Harwayau, rahoton ya yi wa jihohin kudin goro da sauran sassan Najeriya da ke fama da matsalar tsadar rayuwa a matsayin daya daga cikin dalilan da zai sa jihohin su fuskanci yunwa. Da ma dai bankin na duniya a wani rahoto ya ayyan...

Yunwa da Zanga-zanga: Ka maido da shirin NSIPA a fadin kasar

Adeyanju ya ce zanga-zangar da aka yi a jihohin Neja, Kano, da Kogi sun nuna irin girman halin Ana tsaka da wahalhalun da ke addabar Najeriya, Deji Adeyanju, wani fitaccen mai fafutukar kare hakkin dan Adam ya bukaci Shugaba Bola Tinubu da ya sake duba batun dakatar da shirin zuba jari na kasa. Adeyanju ya ce zanga-zangar da aka yi a jihohin Neja, Kano, da Kogi sun nuna irin girman halin da ‘yan Najeriya ke ciki da kuma bukatar Tinubu ya dauki kwakkwaran mataki. Ku tuna cewa Tinubu ya dakatar da duk wasu shirye-shiryen da Hukumar Kula da Zuba Jari ta Kasa (NSIPA) ke gudanarwa a kan zargin damfarar kudi da babbar jami’ar zartarwa Halima Shehu ta yi. Sai dai Adeyanju ya yi gargadin cewa ci gaba da dakatar da wadannan shirye-shiryen na da illa ga ‘yan Najeriya. A cikin wata sanarwa da ya sanya wa hannu, Adeyanju ya ce: “Yayin da muka amince da dakatar da duk wasu shirye-shiryen da Hukumar Kula da Zuba Jari ta Kasa (NSIPA) ta gudanar a wani bangare na binciken da ake yi kan zar...

AMH Hausa

Search This Blog